Samnanger kommune inviterer til dialogkonferanse tysdag 22.11.2022 kl. 12.00–14.00 om bustadutvikling i kommunen. Konferansen blir på biblioteket på Bjørkheim (Bjørkheim 26, 5652 Årland). Me ønskjer saman med næringslivet/utbyggarar i distriktet å finna løysingar for behovet for bustader i Samnanger i åra som kjem.
Bakgrunnen for dialogkonferansen er mellom anna at kommunen dei neste åra vil få ein stor auke i talet på eldre innbyggarar, og at dette vil påverke bustadbehovet i kommunen. Mellom anna vil det truleg vera behov for bygging av fleire leilegheiter/bustader med livsløpsstandard.