Tidsfristen er overskredet
Fylkesmannen i Hordaland, heretter kalla oppdragsgjevar, inviterer med dette til open anbodskonkurranse om totalentreprise for bygging av fugleobservasjonshus i Herdla naturreservat i Askøy kommune. Herdla naturreservat er av dei aller viktigaste naturvernområda i Hordaland, og for overvintande sjøfugl og våtmarksfugl på trekk er det heilt klart det viktigaste. Samstundes er området prega av høgt ferdselsnivå og mange ulike aktivitetar som er til ulempe for fuglelivet. Oppføring av eit fugleobservasjonstårn på Herdlevalen er eit viktig tiltak for å kanalisere ferdsel, samstundes som bygget blir eit nytt landemerke på Herdla.