Formålet med anskaffinga er å inngå avtale om å leige inn tenester knytt til Service, vedlikehald montering, logistikk og lagerhald. Tenesta skal leverast til Skyss Teknisk drift.
Teknisk drift er ein del av Skyss sin IKT avdeling og ansvarlig for dagleg tekniske drift og vedlikehald av Skyss sit utstyr i og på kjøretøy, fartøy, haldeplassar og terminaler. Eininga har som hovudansvar å sørgje for at mellom anna billettsystem, passasjerteljing, sanntidsinformasjon og digitale flater er både operativt og vel fungerande.
Teknisk drift utfører i hovudsak oppgåvene i egen regi, med eigne tilsette. Kontrakten som her er lyst ut er ein rammeavtale som Skyss skal kunne gjere avrop på ved behov for å supplere dei ressursane som organisasjonen sjølv har innan service, vedlikehald og reparasjonar, installasjon og demontering av utstyr, til dømes i samband med midlertidig fråvær som; sjukdom, ferie, permisjonar osb.) og i periodar med stor arbeidsmengde.
Ressursane som skal utføre oppdrag etter denne kontrakten må ha spesialopplæring i Skyss sitt utstyr. Slik opplæring vil bli gitt av Skyss.
Det vil vere eit krav til at Leverandøren til ein kvar tid har tilgjengelige ressursar med slik opplæring. Nærmare om krav til tenestene fyljer av kontrakt (Del 2 med vedlegg).