Kommunane har ansvar for å organisere ei klinisk veterinærvakt. Ordninga med veterinærvakter er etablert i medhald av lov 15. juni 2001 nr. 75 om veterinærar og anna dyrehelse-personell § 3 a.
Ordninga med veterinærvakter skal sikre at det i kommunal/interkommunal regi vert etablert klinisk vakt for veterinærar i alle deler av landet slik at nødvendig veterinærhjelp kan skaffast utanom ordinær arbeidstid. Veterinærvakta er ein nødvendig del av beredskapen mot alvorlege smittsame dyresjukdommar og viktig for å oppretthalde god dyrevelferd.
Tildeling av vakttenestene har tidlegare skjedd i høve til ei avtale mellom Den norske veterinærforening (DNV) og KS. Avtalen opphøyrde 1.7.2012. For å få praktiseringa av vaktordninga i tråd med gjeldande lover og forskrifter, gjennomførast inngåing av avtale mellom vaktdistrikta og veterinærane no som ordinære innkjøp.
Det er oppretta 160 vaktdistrikt, i tillegg fem vakter i «bynære strøk».
Dette innkjøpet gjeld levering av veterinærvakttenester i vaktdistriktet Flora, Naustdal og Bremanger.
For å dekke behovet for veterinærar i vaktordninga, vil det bli inngått 1 avtale i denne konkurransen.
Meir informasjon om føremålet og omfang for innkjøpet og om vaktdistriktet er tatt inn i bilag nr. 1 Kravspesifikasjon.