Lai saņemtu informāciju par iepirkumiem e-pastā, piesakieties, spiežot uz "Saņemt iepirkumu informāciju" lapas lejasdaļā!
Nikolai Astrup (1880 – 1928) er ein av Noreg sine mest kjende kunstnarar og har både i 2016 og 2021/22 hatt utstillingar i Noreg, England, Tyskland, USA og Sverige. Astruptunet - den vakre kunstnarheimen til Nikolai Astrup og kona Engel, ligg harmonisk oppover fjellsida på sørsida av Jølstravatnet. Astruptunet er eit kunstverk i seg sjølv. Både bygningar, interiør og gardshagen kjenner ein att i kunstverka, og mykje av dette er skapt og forma av Nikolai Astrup. Sunnfjord kommune er eigar av tomt og bygningar i tunet. Musea i Sogn og Fjordane er driftar av Astruptunet, regulert gjennom ein driftsavtale med kommunen. Sunnfjord kommune ynskjer å etablere eit nytt visningssenter ved Astruptunet. Med den store restaureringa av bygningane og rekonstruksjon av tunet og gardshagen er det avgjerande å finne gode løysingar når stadig fleire besøkande ønskjer å vitje heimstaden og oppleve kunsten til Nikolai Astrup.
Sunnfjord kommune inviterer til ein plan- og designkonkurranse om nytt Visningssenter ved Astruptunet. Plan- og designkonkurransen er open for arkitektar og landskapsarkitektar med godkjent eksamen tilsvarande master, eller personar og firma som kan dokumentere tilsvarande kompetanse.
Norske arkitekters landsforbund (NAL) utlyser denne plan- og designkonkurransen på vegne av Sunnfjord kommune. Se konkurranseprogrammet for mer informasjon.