Førde kommune vil tildele eit tilskot til utbygging av breibandsløysing i område Solheimsdalen, del 1.
Utbygginga skal gje private og offentlege kundar breibandstilgang til internett med ein hastigheit på over 30 Mbit/s.
Førde kommune er tildelt midlar frå fylkeskommunen på 1 mill. kroner. I tillegg har kommunen løyvd inntil 430 000 kroner. Det kan ikkje påreknast auke i dei offentlege løyvingane til Solheimsdalen del 1.
Vi har valt å dele utbygging av breibandsløysing i Solheimsdalen i del 1, og del 2. Vi søkte Nasjonal kommunikasjonsmyndigheit (Nkom) og fylkeskommunen om 2,1 mill. kroner i 2018, men fekk 1 mill. kroner. Vi har difor søkt om breibandmidlar for Solheimsdalen, del 2, i 2019.
Førde kommune ønskjer at flest mogleg husstandar skal få tilgang til breiband. Tilbydar må difor vise kva husstandar som vert omfatta av denne delen av utbygginga.