Fylka vil i samarbeid med NHO/KS Nasjonalt Program for leverandørutvikling, og det regionale programmet i Sogn og Fjordane, invitere til open dialogkonferanse. Fylka ynskjer å møte forlag, utviklarar, leksikografar og andre som kan bidra til utvikling av ei felles digital løysing for ordbokstenester.
Føremålet med dialogkonferansen er både å informere om fylka sine behov og utfordringar knytte til bruk av digitale ordboktenester, og å lytte til dei eksisterande leverandørane av slike tenester. Fylka håpar på konkrete innspel frå marknaden på mogelege løysingar for lisensiering, utforming av digitalt rammeverk, distribusjon og oppdatering av innhald. Dialogkonferansen kan òg vere ein arena der bedriftene kan finne moglege samarbeidspartnarar.