Kort beskrivelse
Møre og Romsdal fylkeskommune vil styrke kommunane i deira helsefremmande og førebyggande langsiktige folkehelsearbeid ved å vere ein del av det nasjonale programmet for folkehelsearbeid i kommunane (folkehelseprogrammet).
Det er etablert ei nasjonal tilskotsordning og Møre og Romsdal fylkeskommune skal forvalte midlane på vegne av kommunane. Prosjektperioden for Møre og Romsdal si deltaking i prosjektet er frå 2019-2024.
I forbindelse med arbeidet med folkehelseprogrammet vil det vere behov for eksterne tenester til å heve kvaliteten i dei lokale prosjekta og sørge for god framdrift.
Fylkeskommunen ser for seg at FoU-gruppa er satt saman av: Høgskolen i Molde, Høgskulen i Volda, Regional kunnskapssenter for barn og unge (RKBU, som ligg under NTNU), Møreforsking, Kompetansesenter Rus Midt-Norge (KoRus, som ligg under St. Olavs Hospital) og ein representant frå fylkeskommunen med doktorgrad.