Drift av båtrutene mellom Bergen, Nordfjord, Sogn/Flåm

Short description

Føremålet med anskaffinga er å få på plass operatør for drift av hurtigbåtrutene mellom Bergen, Nordfjord, Sogn/Flåm. Alle rutene skal inngå i ein driftskontrakt. Det betyr at Oppdragsgjevar vil inngå ein kontrakt med ein operatør for heile kontrakten. Oppdraget skal starte seinast 1. desember 2026. Vinnande operatør har opsjon på å starte oppdraget tidlegare, sjå Kontrakten punkt 1.1.6. Kontrakten vil ha en varighet på 15 år rekna frå 1. desember 2026. Kontrakten er ein nettokontrakt der vinnande operatør har inntektsansvaret, herunder blant anna ansvar for ruteinformasjon, marknadsføring og kundeinformasjon. For meir informasjon om ansvarsfordeling, sjå Kontraktens punkt 1.2.2.

Det vert stilt krav til maksimalt utslepp CO2 ekvivalenter per rutekilometer. I tillegg inneheld kontrakten ein bonusmodell som gjer operatør bonusutbetaling ved lågare CO2-utslepp enn kravet.

Det er opp til operatør å sjølv fastsette bruk av teknologi. Etablering av eventuell energiinfrastruktur på kai må operatør ta ansvar for og bære risikoen for. Oppdragsgjevar tek kostnadsrisikoen knytt til eventuell nettoppgradering på kaiene Sogndal, Strandkaien, Selje og Flåm.

Oppdragsgjevar estimerer årleg kontraktssum til om lag 59-108 MNOK fråtrukken støtte. I tillegg estimerer Oppdragsgjevar eingongskostnader knytt til energiinfrastruktur, nettoppgradering og kaiutbetring estimert til 171-193 MNOK. Dette tilsvarer 11,5-13 MNOK per år dersom ein annualiserer kostnader knytt til energiinfrastruktur, kaiutbetring og nettoppgradering. Desse estimata omfatter ikkje kontraktens endringsrettar og opsjonar, til dømes operatørs rett til å starte drifta tidlegare, oppdragsgjevars rett til å auke ruteproduksjonen, adgang til å krevje innsetting av større og/eller ekstra fartøy, samt øvrige endringsrettar. Estimata er oppgjeve i tredje kvartal 2021-kroner.