Lyhyt kuvaus
Arbeidet gjeld opprusting av tursti innerst i Bondhusdalen slik at den toler både erosjon og auka ferdsel betre enn den gjer i dag. Oppdraget gjeld delar av ei om lag 950 m lang strekning der det trengs ulike tiltak på ei liste med definerte punkt. Det er laga ein rapport som peikar ut dei ulike punkta og som kjem med råd til tiltak (ligg vedlagt). Tilbydar kan presentere andre forslag til løysingar dersom ein meinar det kan gjerast betre og/eller rimlegare. I konkurransen skal det gjevast ein samla pris for heile arbeidet med alle kostnader inkludert. Transport av stein med helikopter vil vere aktuelt og må i so fall vere inkludert, men tilbydar kan og presentere andre løysingar. Arbeidet skjer inne i Bondhusdalen landskapsvernområdet, og ein må derfor ta viss omsyn sidan ein er i verna natur. Meir informasjon er i konkurransegrunnlag og andre vedlegg.