For å leggja til rette for bygging av ny idrettshall på Husnes skal det byggjast ny veg frå Opsangervegen og inn til området. Det skal byggjast nytt fortau langs vegen. Vidare skal det lagast nokre tilslutningar til gangvegar, traktorveg og tilrettelegging for tilkomst til eigedommar. Det skal byggjast ny parkeringsplass for om lag 100 køyretøy mellom veg og tomt for idrettsplass. Tomt for idrettshall skal masseutskiftast og det skal opparbeidast sprengsteinfylling som grunnlag for seinare bygging av idrettshall. Opparbeiding av tomt for idrettshall gjer at eksisterande bekk må leggjast om. Det skal også utførast anleggsarbeid ved Undarheim skule, eit stykka frå resten av anleggsområdet. Det ligg i dag ein 1000 mm overvassleidning frå Opsangervatnet og opp mot Undarheim skule. Frå enden av denne leidningen og opp til bekken skal det leggjast ny leidning for å få ei avlastning for eksisterande 1500 mm leidning under skulen. Den nye traseen skal gå langs svømmehallen på Husnes.