Sogn og Fjordane fylkeskommune v/Næring og kultur og Hordaland fylkeskommune ønskjer i fellesskap å innhente tilbod på ekstern prosjektleiar/arrangør for planlegging og gjennomføring av fellestand på offshoremessa ONS 2018.
Sogn og Fjordane og Hordaland fylkeskommunar ønskjer å leggje til rette for ein fellesstand for næringslivet i dei to fylka. Føremålet er å profilere petroleumsretta næringsliv og interesser frå fylka på denne sentrale møteplassen. Tilbodet er primært tenkt til små og mellomstore bedrifter som vurderer terskelen for sjølvstendig stand som høg. Oppdragsgjevar har i utgangspunktet ein ambisjon om deltaking frå dei to fylka i storleiksorden 1/3 frå Sogn og Fjordane og 2/3 frå Hordaland.